免費教材分享 - 數字及數量概念 (1-10)
教幼兒數學嘅時候，除咗希望佢哋認到數字外，
其實數量嘅概念都好重要☺️
即係佢哋要理解到 “4” 呢個數字，係代表有四樣嘢，
同埋數到幾多，即係代表數量係幾多。
數學概念抽象，最理想當然係實體化，俾小朋友摸到數到
今次運用常見嘅貨車同小朋友最愛嘅扭糖機做主題，
精美嘅圖畫再加上泥膠同小石頭，
絕對吸引到小朋友學習數學同數量啦
玩法:
1)邀請小朋友按車身上數字擺返相應貨物或糖果
2)再按數字擺返相應小石頭落格仔(湊十咭)
3)運用泥膠同小朋友一齊砌出數字
小貼士:
可將紙張過膠，會更耐用，同埋可以用水筆填湊十咭
可雙面印刷，慳紙慳位
貨物糖果可以印多幾頁，一次玩幾個數字，方便比較多少
