免費數學教材分享 - 數感
記得小學嘅時候，數學好差，
成日都唔合格
補習老師成日話: 「點解你唔明？你唔明乜嘢？」
呢條問題本身就已經難答過啲數學題，
因為，我真係唔明啊
長大咗之後，我知道我數感好差，
所以個個教我數學都會教到燥火
唔明點解我唔理解。
數學對於小朋友嚟講好抽象，
不過我發覺蒙特梭利用實物去教，
俾小朋友摸住睇住去學，
爸媽係唔會教到咁勞氣
百數表
簡單一個100個數字嘅表，
但可以有幾百種玩法 (爸媽係時候發揮創意諗吓點玩網上亦有好多提議)
由認識數字排序、單雙數、加減數甚至到倍數，
都可以用百數表令小朋友發展數感同更容易掌握。
認識個位/十位/百位
將抽象嘅概念形象化，
用粒粒積木同數字擺喺相應嘅位值 (個/十/百位)，
就可以慢慢幫助小朋友建立數感☺️
除咗用紙積木粒粒外，
用其他實物亦都好好玩，
我家最多係車同恐龍，佢哋亦化身成教具
呢份教材主要參考蒙特梭利嘅數學教具，
而家只要print出嚟過膠就可以同小朋友玩住學，
先慳返幾百蚊
