毛公仔應該每個有小朋友嘅家庭都一定會有，
大大細細唔同動物唔同顏色。
除咗攬住佢瞓覺之外，仲可以點玩？
我兩位玩家親身試咗以下七大方法:
A) 猜猜畫畫: 小朋友先揀一個公仔，然後畫係紙，另一玩家要估吓畫嘅係邊個公仔
*家姐評語: 好好玩，細佬估到我畫邊個我好開心啊，不過估唔到唔緊要，我再畫多啲俾提示佢！
B) 超級跑步比賽: 包剪揼！贏咗行一步，最快到終點就贏
C) 找不同: 用公仔砌出/排列一個次序，請小朋友用1分鐘記住，然後閉上眼睛，家長調亂次序或加入其他公仔。請小朋友觀察然後講出分別。
D) 躲貓貓: 將毛公仔收係屋企唔同地方，小朋友可以跟據提示去揾。例如: 全屋最凍嘅地方/軟綿綿好舒服嘅地方/有腳但行唔郁嘅地方。
E) 請小朋友揀好一隻公仔，形容俾爸媽聽隻公仔係點嘅。好好嘅機會訓練小朋友表達技巧。*可以揀一堆差唔多樣嘅公仔以增加難度。
F) 扮電視: 我屋企兩個小朋友最鍾意嘅玩法 一個人企係枱後面，攞住公仔做戲，其他人做觀眾。仲可以有互動咁樣演一個故事。
https://www.instagram.com/p/CKVhjfqhbQm/?igshid=1521k2h0qbchp
G) 角色扮演: 最常出現就係玩煮飯仔，不過由於太掛住坐飛機去旅行，呢排兩姊弟最愛係扮坐飛機 有時係扮去日本，有時係扮去歐洲。故事內容十分豐富！
